मुंबई दि. २९ : तिसऱ्या युवा आशियाई कबड्डी स्पर्धेत भारताला सुवर्णपदक मिळवून देणाऱ्या भारतीय संघातील सेरेना सचिन म्हसकर हिचा विभागीय आयुक्त डॉ. विजय सूर्यवंशी आणि जिल्हाधिकारी सौरभ कटियार (मुंबई उपनगर) यांच्या हस्ते सन्मानपत्र आणि गौरवचिन्ह देऊन सत्कार करण्यात आला.
जिल्हा क्रीड़ा अधिकारी कार्यालय, मुंबई उपनगर कार्यालयात या कार्यक्रमाचे आयोजन करण्यात आले होते. या प्रसंगी जिल्हाधिकारी कटियार यांनी भविष्यात सेरेनाला तिच्या क्रीडा जीवनासाठी आवश्यक ती सर्व मदत जिल्हाधिकारी कार्यालयाकडून करण्यात येईल अशी ग्वाही दिली.
सेरेना सोबत तिचे प्रशिक्षक अमित ताम्हणकर, आई श्रीमती मेघाली म्हसकर (शिवछत्रपती राज्य क्रीडा पुरस्कार प्राप्त) आणि वडील सचिन म्हसकर (आंतरराष्ट्रीय रग्बी खेळाडू) उपस्थित होते.
कार्यक्रमास जिल्हा क्रीडा अधिकारी रश्मी आंबेडकर व क्रीडा कार्यकारी अधिकारी प्रीती टेमघरे उपस्थित होत्या.
0000
श्रद्धा मेश्राम/वि.सं.अ
